EPiserver, Fox Technologies, Nimsoft e Qliktech
Nun artigo recente [se-1], a revista sueca de tecnoloxía IT24 identifica 4 interesantes investimentos no sector TIC: Episerver, Fox Tecnoloxías, Nimsoft e Qliktech. Estas compañías experimentaron un rápido crecemento, desenvolveron un capital intelectual considerable, e teñen unha importante lista de clientes. As 3 primeiras empresas teñen participación do fondo nórdico de capital de risco Northzone, mentres que o maior investidor en Qliktech é o fondo sueco Industrifonden.
- EPiServer. Ofrece unha gama de produtos e servizos para a administración de contido e de comunidades en liña. É moi rendible e recentemente logrou uns 3000 clientes. Segundo a empresa, o EPiServer CMS é a plataforma *CMS comercial co crecemento máis rápido no mundo. É máis, terceiras compañías están a engadir continuamente módulos ás aplicacións de EPiServer [en-2]. Non é unha sorpresa que xa estean a preparar unha oferta pública de venda [en-1].
- Fox Tecnoloxías. Ofrece sistemas para o control de acceso a servidores, aplicacións e computadores, cunha administración centralizada de control do acceso á infraestrutura.
- Nimsoft. Provedor de solucións únicas para a administración e medida de niveis de servizo, incluídos niveis en nubes (cloud computing). Está a vivir un forte crecemento.
- Qliktech. Software de intelixencia empresarial cunha ampla gama de aplicacións para empresas de diferentes sectores, e de calquera tamaño. Está a experimentar un crecemento realmente forte en ingresos e número de clientes. Está lista para unha oferta pública de venda.
Northzone: É un fondo de capital de risco que se centra na rexión nórdica. Desde 1994 levantaron e dirixiron 5 fondos diferentes e actualmente administran investimentos por valor de de 355 millóns de euros. Os investimentos anteriores inclúen Lastminute, Stepstone, Pricerunner e NextGenTel.
Industrifonden: É unha fundación independente fundada polo estado sueco. Opera sobre unha base comercial sen capital exterior. Os ingresos son devoltos ao fondo para novos investimentos. O seu portafolio de investimentos inclúe unha ampla gama de investimentos a longo prazo, fundamentalmente en empresas suecas de alta tecnoloxía.
Referencias
In English (en):
- EpiServer Goes Public, by Adriaan Bloem, 27 January, 2010.
- Reflections on EPiServer London Day, 15 October 2009.
På svensk (se):
- Fyra bolag på väg till börsen, av Carl Grape, IT24, 2010-02-16.
Ligazóns externas
In English:
En español
En français:
På norsk:
På svensk:
No comments yet.